ყოველივე მიწიერი წარმავალია: სიმდიდრეც, ბედნიერებაც, სიყვარულიც... ნუთუ ასე ცუდად არის საქმე, ნუთუ საშველი არ არის? ხომ უნდა იყოს სადღაცა თავშესაფარი ადამიანისთვის, რომელიც მთელი თავისი სიცოცხლის განმავლობაში იტანჯება საცოდავი არსებობისთვის ბრძოლის სიმძიმისაგან? ნუთუ ეს არის ადამიანის დანიშნულება დედამიწაზე? არ შემიძლია ამის დაჯერება. ხომ უნდა იყოს სადღაც სხვა რეალობა, არაწარმავალი, რომელიც არ ემორჩილება დროს? სად არის ჭეშმარიტება? ეს კითხვა ჩემთვის ძალიან აქტუალურია. იგი ბავშვობიდა თან მდევს. რეფერატისთვის ეს თემა, ჭეშმარიტება, ავირჩიე, რათა უფრო ღრმად ჩავწვდომოდი მას. რამდენიმე თვე ვცდილობდი სხვადასხვა წიგნში მეპოვა ნათელი პასუხი; ეს წიგნები ძირითადად საი ბაბას მოძღვრებას შეეხება. კარგა ხნის ფიქრის შემდეგ ზოგიერთი რამ გავიგე, გავაცნობიერე და მინდა გაგიზიაროთ, ძვირფასო მკითხველებო. თემა ძალიან, ძალიან საინტერესოა. მოდით, ერთად გავარჩიოთ ის..